Agnar Prestá
Tíðin á hallarurinum í stóru Mercedes Benz Arena vísti 58.23, tá Elias Ellefsen á Skipagøtu skuldi taka brotskast. Tá bendi lítið og einki á, at Føroyar skuldu fáa stig í Berlin - hóast lítla undirtippaða landið hevði fylgt við norsku risafavorittunum so at siga allan vegin.
Tað var 26-23, men nú høvdu Føroyar brotskast, og Noreg hevði júst fingið útvísing. Harvið gyltur møguleiki at minka til minus tvey og føroyingar í yvirtali restina av dystinum.
Elias var ísakaldur. Og tað var nummar 71 so sanniliga eisini sutta løtu seinni, tá hann kundi javna og tryggja Føroyum eitt søguligt og ómetaliga flott stig. Millum hesi bortkastini hendi eitt sindur. Sí tað mesta av tí í videobrotinum beint niðanfyri.
Øll hæddarpunktini hjá EHF frá dystinum eru ovast og á youtube.
Kringvarpið sendi í gjárkvøldið, júst eitt ár eftir søguliga EM-dystin, heimildarfilmin Bragdið í Berlin.
HER ber til at síggja allar okkara myndir frá minniliga januarkvøldinum í fjør, har nógvar kenslur vóru uppá spæl í týska høvuðsstaðnum og frammanfyri skíggjum ymsastaðni.
Vinarliga broyt tínar kennifíla - og privatlívsstillingar fyri at síggja hetta innihald