2025-01-15 17:03 
Agnar Prestá
Agnar Prestá
07 Vestur hevur sett Ken Fagerberg í starv sum høvuðsungdómsvenjara á dreingjasíðuni. Hesum boðaði felagið frá á síðu sínari seint í gjárkvøldið.
Sáttmálin er galdandi fyri eitt ár, og Ken byrjar í starvinum beinanvegin.
Ken Fagerberg er ikki ókendur í felagnum. Hann hevur verið bæði spælari og ungdómsvenjari í 07 Vestur. Í felagnum væntar man, at hann kann byggja víðari uppá ungdómsarbeiðið.
- Vit vita, at Ken, við sínum førleikum og eldhuga fyri fótbólti, fer at vera ein týðandi partur av menningini av okkara ungu fótbóltsleikarum.
36-ára gamli sviin hevur royndir sum yrkisspælari í heimlandinum og í Danmark. Hann kom til Føroyar at spæla í 2017 - júst til 07 Vestur. Sterki áleyparin hevur eisini umboðaði TB og Royn sum spælari og venjari.
Síðst heyst fekk Ken Fagerberg A-venjaraprógvið til høldar.
![[object Object]](https://cdn-ac.knassar.fo/media/2025/01/14/gallery-thumbnail/1736890823epfhhmcdcb.webp)
Mynd: Fótbóltssamband Føroya
Vinarliga broyt tínar kennifíla - og privatlívsstillingar fyri at síggja hetta innihald