Myndir: Hoyvíkskvinnur vunnu við einum máli

Tað gjørdist ein jøvn fyrra hálvfinala millum Neistan og H71. Fitt av fólki var møtt upp í Høllini á Hálsi, og tey fingu nógv fyri pengarnar.

Hoyvíkskvinnur endaðu við at vinna. Maria Halsdóttir Weyhe setti bóltin í neistamálið, tá bara fýra sekund vóru eftir og legði harvið H71 á odda 22-21, sum eisini gjørdist úrslitið.

Hetta var kortini bara fyrri hálvleikur, tí leygardagin hittast liðini aftur til seinnu hálvfinaluna., og tá verður tað í Hoyvík. Tá verður annar steypafinalisturin 2025 funnin.

Í morgin, hóskvøldið klokkan 18, tekur Kyndil ímóti Stjørnuni í hinari hálvfinalu uppgerðini í Faxe Kondi kappingini hjá kvinnum.

Fylg við livescore á Portal.fo-forsíðuni til allar dystirnar í bestu deildunum og steypakappingini.