Tvey HM-silvurheiðursmerki komu í hús við Tjarnir

Í sambandi við almenna tiltakið tá stórhøllin við Tjarnir læt upp, skipaði Róðrarsambandið fyri HM í inniróðri í nýggju høllini í Hoyvík.

Talan var um fyrstu altjóða kappingina, sum skipað varð fyri í stórhøllini við Tjarnir, og tvey tey fyrstu føroysku heiðursmerkini har komu eisini í hús.

Tað vóru Matttias Durhuus og Sarita Kristina Hansen, sum tryggjaðu sær silvurheiðursmerki á 500 metrum. Ungi hósvíkingurin gjørdist heimsmeistari í 2023 og hevði nú góða tíð í bólkinum "Menn 19-20 ár".

Mattias Durhuus heiðrarður við heimkomu til Sunda kommunu úr Toronto í 2023, tá hann vann gull á líknandi teini, umframt eitt silvur á 2.000 metrum 

Sarita Kristina Hansen er ein av okkara royndu rógvarum, sum eisini virkar sum venjari. Sterka kvinnan úr Miðvági gjørdist nummar tvey í "Kvinnur 23-39 ár Lættvekt".

Harvið tvey føroysk heiðursmerki og eisini onnur flott úrslit. Samanalgt ellivu føroyskir rógvarar høvdu kvalifiserað seg til HM-teinarnar., sum teir róðu við Tjarnir. Hjá teimum yngstu endaðu Pauli Joensen(Tindur) og Nóa Rúnason (Vágs Kappróðrarfelag)  stutt frá heiðursmerkjum.

- Kappast var í 500m sprint. At okkara føroysku rógvarar teljast millum heimselituna í inniróðri, hava tey enn einaferð prógvað hetta vikuskiftið, og tað eru vit ómetaliga stolt av, skrivar innirodur.rsf.fo

Komandi vikuskiftið, tann 22. og 23. februar, fara teir føroysku rógvarnir aftur í eldin, tá kappast verður um heimsmeitaraheitini á 2000m teininum.  Karmar fyri hesa kappingina verður Skúlin við Gøtugjógv.

Úrslitini frá 500m sprint um vikuskifti:

U17 Dreingir

Pauli Joensen nr. 4 tíð: 1.23,8

Nóa Rúnason nr. 5 tíð: 1.25,7

Jógvan Fríði Christiansen nr. 45 tíð: 1.59,4

Kristian Svenning Johannesen nr. 47 tíð: 02.07.0

U17 Gentur

Vár í Húsunum nr. 8 tíð: 1.41,9

Nanna Schiller, vegna tekniskar trupulleikar var tíðin ikki góðtikin.

Poula Christiansen, vegna tekniskar trupulleikar var tíðin ikki góðtikin.

Menn 19-20 ár

Mattias Durhuus nr. 2 tíð: 1.17,4 (Silvur)

Kvinnur 23-39 ár

Vár G. Hansen nr. 7 tíð: 1.32,1

Kvinnur 23-39 ár Lættvekt

Sarita K. Hansen nr. 2 tíð: 1.38,1  (Silvur)

Kvinnur 40-44 ár

f nr. 7 tíð: 1.36,8

Mynd: Jens Kr. Vang