Agnar Prestá
Sunnudagin spældi Fücshe Berlin ein flottan dyst móti Flensburg-Handewitt og legði seg við sigrinum á 3. pláss í Bundesliguni.
Hákun West av Teigum gjørdi bart á høgra vongi og skoraði fimm mál uppá seks skot. 23-ára gamli hoyvíkingurin var sum heild ógvuliga tryggur.
Les eisini: Hákun West av Teigum skoraði fimm mál í stórdysti
Eitt av málunum hjá Hákuni var serstakt og eisini snilt. Í kontraálopi, og kroystur av Emil Jakobsen, sendi lámi føroyingurin bóltin avstað við einari høgru hond. Hann hevði fingið fríkast annars, men skotið hjá Hákun West av Teigum fór millum beinini á Kevin Møller og í netið.
Beint aftaná skoraði Jóhan á Plógv Hansen ógvuliga trygt, tá hann varð spældur ígjøgnum. Havnarmaðurin á høgra vongi hjá Flensburg-Handewitt skoraði uppá bæði síni skot í dystinum.
Sí nevndu málini - frá 2.00 - og hæddarpunktini annars í videoklippinum ovast ella HER
Vinarliga broyt tínar kennifíla - og privatlívsstillingar fyri at síggja hetta innihald