Marita og HØJ hava tryggjað sær uppflyting

Í HØJ Elite satsa tey. Pauli Jacobsen og mansliðið eru á odda í næstbestu deildini, og við einum "dagsins spælara-avriki" í Ølstykke í gjár var føroyski landsliðssplælarin við at fáa uppflytingina nærri.

Tað er tó tætt enn hjá, men hjá kvinunum er uppflytingin longu í hús. Hetta kom hon í fjórðseinasta umfari í gjár. HØJ tók ímóti TMS Ringsted og vann trygt 30-22.

Marita Mortensen skoraði trý mál í dystinum. Landsliðsbakkurin hevur spælt við HØJ seinasta stóra árið, og hevur liðið verið ógvuliga sannførandi.

Næsta ár liggur tað til, at 23-ára gamla hoyvíkskvinnan fær dystir í fremstu donsku kvinnudeildini, har longu eru sjey føroyskir landsliðsspælarar.

Fágnaður í Ølstykke um uppflytingina (Mynd: HØJ Elite)

Lív, Vár og Ajax bjóða eisini av:

HØJ hevur tikið einasta beinleiðis uppflytingarplássið. Nummar 2 og 3 skulu spæla um tað, og nú fýra umfør resta í, er Ajax København á 3. plássi.

Fleiri føroyskir spælarar hava verið í hesum felagnum. Í ár hava tvíburðarnir Lív og Vár Bentsdóttir Zachariasen spælt fyri høvuðsstaðarfelagið. Báðar eru komnar fyri seg eftir álvarsamar knæskaðar, og 22-ára gomlu hoyvíkskvinnurnar gera vart við seg.

Tær eru verjuserfrøðingar men kunnu veruliga eisini í álopinum. Vár hevði ein góðan dag á strikuni í gjár og skoraði fimm mál í týðandi 29-27 sigrinum á Randers.

Lív, Vár og Marita skulu allar til Føroyar nú til venjingar. Tær eru týðandi í fyrireikingunum til HM play-off dystirnar móti Litava í apríl. 

Vár Bentsdóttir Zachariasen av strikuni fyri H71 (Savnsmynd: Sverri Egholm)