Myndir: Føroyingar fyrireika seg til at skapa fólkaveitsluna

Almere, Niðurlond (Portalurin) Føroyska manslandsliðið hevur fyri løtu síðani havt sína seinastu venjing undan seinna EM-undankappingardystinum móti Niðurlondum hesa vikuna. Hann kann fáa stóran týdning fyri endastøðuna í bólkinum og fyri EM-vónirnar hjá Føroyum.

Sí eisini: Ógvuliga tættur bólkur hjá Føroyum

Vant var í Topsportcentrum í Almere, her í Amsterdam-útjaðaranum. Umboð fyri niðurlendska hondbóltssambandið í høllini upplýsti, at umleið 2.300 pláss eru til uppgerðina í morgin. Alment eitur talið av føroyskum plássum 700, men tað er helst øllum greitt, at her verða fleiri føroyingar til dystin.

Sí eisini - video:
Allan Norðberg: - Vónandi verður tað ein vill uppliving í morgin
Óli Mittún: - Hetta verður sum at spæla á heimavølli

Hetta kann gerast ein fyrimunur. Føroyska liðið tykiskt eisini væl fyrireikað til uppgávuna. Eftir upphiting, við millum annað nakað av fótbólti, var arbeitt í smálutum við álopsspælinum. Serliga var tað yvirtalsspæl, sum Elias Ellefsen á Skipagøtu og Óli Mittún uppá skiftu stýrdu. Elias stóð til tíðir og hugdu at.

Sìðani vóru nøkur kontra-retur (2 móti 3), áðrenn Peter Bredsdorff-Larsen skuldi arbeiða við verjuspælinum. Har var millum annað áhugavert, at Hákun West av Teigum í løtum dekkaði á bakkinum (sum 2'ari).

Føroyingar eru bæði fyrireikaðir uppá, at Luc Steins er við, og uppá at hann ikki verður við. Sum skilst verður kviki spælskiparin við hesaferð.

Føroyar og Niðurlond spæla klokkan 14, føroyska tíð, í morgin. Portalurin hevur meira tilfar upp til dystin og sjálvandi undir og eftir dystin í Almere.

Sí myndir frá venjingini niðanfyri: 

Sí eisini - video: 
Allan Norðberg: - Vónandi verður tað ein vill uppliving í morgin
Óli Mittún: - Hetta verður sum at spæla á heimavølli