Agnar Prestá
Prag, Kekkia (Portalurin) Eftir tríggjar venjingar á Tórsvølli í vikuni skuldi landsliðshópurin í gjárkvøldið pakka til ferðina, sum byrjaði tíðliga í morgun.
Flogið var úr Vágum stutt eftir klokkan átta. Í Kastrup gekk skjótt og væl at fáa viðføri út og tjekka inn aftur, men leiguflogfarið var so mikið lítið í mun til ferðafólk - og serliga viðføri - at aftastu tvær rekkjurnar máttu nýtast til stórar Errea-taskur.
Alt gekst tó eftir vild, tá samanumkom og pláss varð til sjavs, spurmarkapping og hjá nøkrum: Svøvn.
Fyri løtu síðani setti flogfarið við føroyska manslandsliðnum seg í kekkiska høvuðsstaðnum. Á veg út í bussin stóðu nakrir lokalir menn fyri og vildu hava autografar.
Føroyingarnir skulu búgva og spæla í býnum Hradec Kralove - nakað væl frá Prag.
Í kvøld er venjing - 1. umfar í HM-undankappingini verður leygarkvøldið 22. mars klokkan 19.45.
Meira úr Kekkia seinni og næstu dagarnar.
-
-
-
-
(Mynd: Sverri Egholm)
-
-
-
-
Vinarliga broyt tínar kennifíla - og privatlívsstillingar fyri at síggja hetta innihald