Spýttu og kastaðu sigarettir eftir føroysku spælarunum

Podgoricia, Montenegro (Portalurin) Ikki bara fingu Føroyar ein frammaná við sigursmálinum í seinastu sekundunum - føroysku spælararnir fingu eisini ymiskt oman yvir seg.

Áskoðararnir hjá Montenegro fegnaðust ikki bara um sigurin við at rópa. Har vóru roykbumbur, fýrverk og nakað av roki millum “ultras” hjá Montengro og vaktir.

Hvøllir brestir vóru at hoyra, og summi fólk sluppu inn á vøllin. Og so fingu føroyingar toyggið.

Minst ein áskoðari omanfyri føroyska beinkin spýtti niður í móti føroysku umboðunum.

Meinhard Egilsson Olsen váttar, at hann varð spýttur í nakkan og mitt í andlitið. Málmansvenjarin Geza Tamas Turi fekk eisini slím hjá onkrum á seg, og sigarettir vórðu kastaðar.

Sum skilst skrivaði UEFA nógv niður í eftirmetingina, og fótbóltssambandið í Montenegro fer at fáa bót fyri atburðin hjá áskoðarunum og møguleikan at órógva.