Kunnu keypa atgongumerki til Føroyar-Ukraina í morgin

Í gjár spældi føroyska kvinnulandsliðið á fyrsta sinni heimadyst við Tjarnir. Í morgin, fríggjadagin 11. apríl, koma atgongumerkini til annan dystin hjá monnum í nýggju stórhøllini til sølu.

Sí eisini: Myndir: Hetta er háborg føroyinga

Talan er um dystin í seinasta umfari í undankappingini til EM 2026. Tað kann verða neyðugt hjá Føroyum at fáa stig í hesum dystinum fyri at tryggjað sær atgongumerki til Oslo.

Hondbóltssamband Føroya upplýsir, at klokkan 10 fríggjadagin 11. apríl koma atgongumerkini til EM-undankappingardystin hjá monnum millum Føroyar og Ukraina til sølu. Dysturin verður sunnudagin 11. mai klokkan 17 Við Tjarnir.

- Hetta er seinasti og avgerandi dysturin í EM-undankappingini til EM 2026. Alt kann enn henda í bólki 6, har øll liðini enn hava møguleikan at vinna bólkin. Føroyar spæla fyrst útidystin í Kosovo hósdagin 8. mai, og koma síðani heim til Føroyar til seinasta dystin í bólkinum, sunnudagin 11. mai.

Hóast túsundatals føroyingar longu hava skrivað seg uppá til Oslo-túr í januar, so er eigin vissa fyri enn, at Føroyar koma til EM. Liðið er nummar eitt í bólkinum og fer eftir at enda nummar eitt, men tað er so mikið tætt, at um heilt illa vil til í mai, so enda Føroyar aftast. 

Tað verður kanska ikki eitt krav um sigur fyri at røkka EM-plássi, eins og tað var í apríl 2023, men Føroyar skulu møguliga hava stig fyri at sleppa til Noregs. Ein bólkasigur kann framvegis vera ein góður møguleiki tá eisini (Savnsmynd: Sverri Egholm) 

Í mesta lagi seks atgongumerki - víðarisølu fyri vinning kann verða meldað

Tað verða upp ímóti 2.500 atgongumerki, sum verða sett til sølu í morgin. Talan er um bæði siti og standipláss.