Annað

Kontrast FM: Fyrstu fýra finalistarnir í badminton funnir

Hjá kvinnunum verður tað ein endurtøka av finaluni í fjør, tá Miriam í Grótinum og Sanna Thorkildshøj hittast. Hjá monnunum skal FM vinnarin frá í fjør Rúni Øster, møta 18 ára gamla Christian Berg Petersen.

Miriam í Grótinum er aftur í finaluni (Savnsmynd: Jens Kr. Vang)

Miriam í Grótinum er aftur í finaluni (Savnsmynd: Jens Kr. Vang)

2025-04-22 17:31 Author image
Tíðindaskriv
placeholder

Innleiðandi dystirnir í einmansleiki í Kontrast FM blivu leiktir í Badmintonhøllini í gjár, 2. páskadag.

Hjá kvinnunum verður tað ein endurtøka av finaluni í fjør. Miriam í Grótinum (HBF) og Sanna Thorkildshøj (HBF) aftur vunnu sær pláss í finalunum.

Í fjør vann Miriam FM í einmansleiki triðja árið á rað, sostatt vann hon sær steypið til ognar.

Í ár vann Miriam hálvfinaluna ímóti Miu Thorkildshøj, HBF. Sanna vann sína hálvfinalu ímóti Lenu Mariu Joensen, KBF. Mia og Lena Maria hava sostatt vunnið bronsu.

[object Object]

[object Object]

Hjá monnunum skal FM vinnarin frá í fjør Rúni Øster úr HBF møta 18 ára gamla Christian Berg Petersen - hann er eisini úr HBF.

Í hálvfinaluni vann Rúni á Árant á Mýruni, MBF, meðan Christian vann á Jónas Djurhuus, HBF. Árant og Jónas eru soleiðis bronsuvinnarar.

Innleiðandi dystirnir í tvímansleiki verða spæltir hósdagin frá klokkan 17, meðan innleiðandi dystirnir í blandaðum tvímansleiki verða leiktir fríggjadagin frá klokkan 13.

Finalurnar verða spældar í Høllini á Hálsi leygardagin frá klokkan 10.

Badmintonssamband Føroya
placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder