Annað

Fyrru finalurnar verða seinnapartin

Høllin á Hálsi er til reiðar, og lagt er upp til sera spennandi finalu hjá kvinnum; Mjølnir er rímiliga greiður favorittur hjá monnum.

Fleyr og SÍ leiktu eina sera tætta steypafinalu fyrst í mars
(Mynd: Jens Kr. Vang)

Fleyr og SÍ leiktu eina sera tætta steypafinalu fyrst í mars (Mynd: Jens Kr. Vang)

2019-04-18 09:20 Author image
Agnar Prestá

Í dag er tann fyrri av FM-finaludøgunum í flogbólti í Stórhøllini á Hálsi: 

Skráin seinnapartin: 
13:30 SÍ – Fleyr, kvinnur
16:45 Fleyr – Mjølnir, menn

SÍ og Fleyr hava verið rímiliga greitt tey sterkastu liðini í Meistaradeildini hjá kvinnum í ár. Tað er ikki nógv, ið hevur skilt hesi liðini. Í fimmsettaranum í steypafinaluni var SÍ omaná, men seinasta innanhýsis dystin í landskappingini vann Fleyr 3-0 og kom harvið frammum sørvágskvinnur á stigatalvuni. Liðini koma helst at spæla tættar og inntensar finalur.

[object Object]
(Høllin á Hálsi til reiðar at hýsa finalunum - Mynd: FBF)

Mjølnir hevur ikki verið eins sannførandi eftir steypafinaluna, sum klaksvíkingar vunnu greitt á Fleyr, men vann tó sera greitt grundspælið í Meistaradeildini hjá monnum. Fleyr basti ÍF í kappingini um hitt finaluplássið og vann fyri kortum 3-0 sigur á Mjølni. Tað er tó sterka liðið úr Klaksvík, ið væntandi ferð avstað við FM-heitunum. 

[object Object]
(Eins og í steypakappingini dystast Fleyr og Mjølnir um gullið í Høllini á Hálsi - Mynd: Jens Kr. Vang) 

Seinnu finalurnar verða leiktar leygardagin. Um liðini vinna hvør sín dyst, verður alt avgjørt leygardagin við einum gullsetti, har leikt verður upp í 15.

Kringvarpið stroymir báðar finalurnar í dag á heimasíðu sínari. 

placeholder
placeholder