Annað

Bogaskjúttarnir gjørdu bart: Gull í báðum liðkappingunum

Eingin syfti føroyingunum í compound og heldur ikki í recurve, har tað endaði við "shoot-off". Har tryggjaði Bárður Magnusson at enda Føroyum sigurin - sí løtuna her og les meira.

Bogaskjúttarnir hava nú vunnið samanlagt níggju gullmerki á Oyggjaleikunum. Hetta er ein triðingur av øllum gullunum hjá Føroyum higartil (Savnsmynd: Jens Kr. Vang)

Bogaskjúttarnir hava nú vunnið samanlagt níggju gullmerki á Oyggjaleikunum. Hetta er ein triðingur av øllum gullunum hjá Føroyum higartil (Savnsmynd: Jens Kr. Vang)

2025-07-17 15:42 Author image
Agnar Prestá
placeholder

Føroysku bogaskjúttarnir hava av álvara gjørt bart á Oyggjaleikunum, og aftur í dag eru heiðursmerki komin til høldar.

Føroyar gjørdu ikki mætari enn at vinna báðar liðkappingarnar.

Í compound var eingin ivi í finaluni: Føroyar vunnu 215-195 móti Jersey. Í hálvfinaluni var eitt tætt stríð móti Guernsey. Fyri Føroyar skutu Anja Eydnudóttir, Nikkel Petersen og Jóannes Poulsen - øll hava eisini gjørt vart við seg sum einstaklingar.

Sigurin merkti nógv fyri skjúttarnar og eisini fyri samlaðu støðuna, tí Føroyar kappast við júst Jersey í samanløgdu støðuni, har "bert" gullini telja. Trý gull eru niður til Jersey, ið annars hevur eitt fleiri heiðursmerki samanlagt.

Sí samlðau oyggjaleikastøðuna her

Í finaluni í hinari greinini innan bogaskjóting, recurve, var størri spenningur. Neyðugt varð við sonevndari "shoot-off" - umskjóting. Har helt Bárður Magnusson høvdið kalt og tryggjaði Føroyum sigurin. Harvið vunnu hann, Hans Petur Højgaard og Tóra Dinna Reynskor gull fyri Føroyar

Niðanfyri sæst filmsbrot, sum Bogaskjótisambandið legði á Facebook av løtuni, tá ið Bárður Magnusson tryggjaði føroyska liðnum gullmerkií recurve eftir umskjóting móti Guernsey. 

Til ber at síggja løtuna niðast á hesari síðuni hjá FM1

Bogaskjúttarnir hava nú vunnið samanlagt níggju gullmerki á Oyggjaleikunum. Hetta er ein triðingur av øllum gullunum hjá Føroyum higartil.


placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder