Hálvleikur: 16-14 til Serbia

Serbia eru ikki ræðandi. Men sum so ofta fyrr, hevur føroyska spælið verið heldur óstøðugt í fyrra hálvleiki.

Ikki bara hava vit mist upplagdar málmøguleikar, men tað eru eisini ov nógvir bóltar, sum eru tveittir burtur.

Við meira miðvísum spæli kundu vit saktans verið á odda nú.

Tað gekk væl í byrjanini, og tað gekk rúm tíð áðrenn Serbia kom framum fyrstu ferð. Spælið bylgjaði javnt aftur og fram.

Men so komu serbar 3 mál framum um miðjan hálvleik, og síðan tá hava tær verið frammanfyri alla tíðina, tó ongantíð meira enn 3 mál.

Hóast tær eru stórar, so eru tær til at tosa við. Føroysku leikararnir skulu trúgva uppá, at dysturin als ikki er mistur á gólvið enn.