Hálvleikur 16-14 til Ísland

Vit hava upplivað ein inntensan og spennandi fyrra hálvleik í brakinum millum Føroyar og Ísland.

Eftir at vit høvdu havt eina leiðslu í byrjanini, tóku íslendingar yvir og settu seg á dystin.

Um miðskeiðis í hálvleikinum sá tað ikki gott út hjá føroyingum. Onki riggaði hjá okkum og alt hjá íslendingum.

Eina løtu høvdu íslendingar møguleika at leggja seg á odda við 7 málum 7-14. Men tær komu tó ongantíð meira enn seks mál framum.

So byrjaði tíbetur at rigga betri hjá føroyska liðinum.

Longu í øðrum leikbrá byrjaði tað at koyra aftur hjá okkum.

Annika kom í málið fyri Rakul, og hon hevur havt fleiri góðar bjargingar.

Ikki fyrr enn lutfalsliga seint í hálvleikinum fóru vit yvir í 7móti6 spæl, og tá gekk betur.

Tað fekk eisini ávirkan á føroyska verjuspælið, at Lív varð send fram í íslendingar at verja, so hon fekk órógvar kross-spælið hjá teimum. Føroyska verjan riggaði betur, og vit komu við í dystin aftur.

Men vit fingu ikki íslendingar aftur.

Í hálvleikinum er Ísland tvey mál frammanfyri, 16-14