Finalumøguleikarnir hjá ÍF fána eftir 3-2 tap fyri Mjølni

Við trimum stigum hevði ÍF enn havt trúnna upp á eitt finalupláss, hóast tað framvegis hevði kravt eitt megnartak, tað sum eftir er av landskappingini, men við bert einum stigi ímóti Mjølni í gjár fánaðu finalumøguleikarnir munandi.

Men allar súðir eru tó ikki syftar, tí vinnur ÍF báðar dystirnar á SÍ, sum verða spældir mikudagin 4. og týsdagin 10. februar, so er ÍF brádliga fýra stig frammanfyri SÍ, sum hevur spælt ein dyst færri.

Eftir at Mjølnir hevði verið á odda fyrsta partin av fyrsta setti í gjar, vann ÍF seks stig á rað og fór framum 21-18, áðrenn tað eydnaðist at vinna settið 27-25 við triðja settbóltinum.

ÍF endaði eisini væl í øðrum setti og vann 25-18 og var á odda 22-19 í triðja setti, men Mjølnir javnaði til 22-22 og 23-23 og vann síðan settið 25-23.

ÍF var aftur á odda stóran part av fjórða setti, men eftir 19-18, kom stígur í, og Mjølnir vann teir næstu sjey bóltarnar og settið 25-19.

Í javnbrótaranum javnaði ÍF til 8-8 við trimum stigum á rað, men stokkut var gleðin, tí Mjølnir vann næstu seks bóltarnar, áðrenn settið varð vunnið 15-9.

Støðan í Polestar-deildini: