NSÍ slitið samstarvið við serbiskan miðverja

Hósdagin váttaði formaðurin hjá NSÍ, Karstin Joensen, fyri Portalinum at Nikola Kovacevic vandi við næstbesta liðnum. Millum annað tí at 31 ára gamli verjuspælarin var í ov vánaligari venjing (Mynd: Nes Sóknar Ítróttafelag

2026-03-07 15:45
Agnar Prestá

NSÍ og Nikola Kovacevic gjørdu sáttmála fyri sløkum mánaðum síðani, men í dag boðar NSÍ frá enda samstarvið.

- NSÍ og Nikola Kovacevic eru komin ásamt um at enda samstarvið. Felagið ynskir honum alt tað besta í framtíðini.

Soleiðis stendur í stuttum boðum frá felagnum seinnapartin

Sum Portalurin skrivaði hósdagin, so gingu søgur um, at hetta var ein møguleiki.

Tá váttaði formaðurin hjá NSÍ, Karstin Joensen, at Nikola Kovacevic vandi við næstbesta liðnum. Millum annað tí at 31 ára gamli verjuspælarin var í alt ov vánaligari venjing.

Nú er greitt, at ein av útlendsku spælarunum, sum NSÍ hevur gjørt sáttmála við í vetur, fer av landinum aftur. Hetta uttan at hava spælt ein almennan dyst fyri felagið.

NSÍ, sum er endað nummar 4 og 3 í árunum eftir uppflytingina, byrjar sítt kappingarár í morgin: Víkingur vitjar við Løkin sunnudagin klokkan 15