Tíðindaskriv
FSF: Tveir dystir vóru á skránni hjá U19 landsliðnum við gentum, sum farnu dagarnar hevur tikið lut í Baltic Cup 2026 í Lettlandi.
Dystirnir vórðu spældir í Skonto Olympic Hall, ið er ein fótbóltshøll í lettlendska høvuðsstaðnum, Riga.
Fyrri dysturin, sum var spældur hósdagin, endaði við 1-0 tapi fyri Litava. Betri gekk í seinna dystinum, sum varð spældur á middegi leygardagin. Við máli frá Brá Zakariasardóttir vunnu Føroyar 1-0 á Lettlandi, og tryggjaðu sær samstundis silvur í kappingini.
Litava vann Baltic Cup 2026 við seks stigum – litavar vunnu 3-2 á Lettlandi – Føroyar fingu trý stig, meðan Lettland endaði aftast við ongum stigi.
Næsta avbjóðing hjá U19 gentunum er EM undankappingin, sum verður í Litava frá 12. til 18. apríl. Føroyar eru í bólki saman við Litava, Kosovo og Moldova.
Vinarliga broyt tínar kennifíla - og privatlívsstillingar fyri at síggja hetta innihald