Agnar Prestá
Hann vann sjálvur bóltin tætt við egna brotsteig, spældi hann víðari og fór síðani avstað. 10'arin í reyðum fekk bóltin aftur við hina brotsteigarstrikuna, snýtti ein mótstøðumann og setti "kalda" høga beinið á.
Tað var 29-ára gamli klaksvíkingurin, sum avgjørdi fyri FC Kyzylzhar í kasakiska kuldanum í gjár.
Sí málið eftir 8.30 í videobrotinum ovast - ella á almennu Youtube-síðuni hjá fremstu deildini í Kaskastan
Jóannes Bjartalíð varð skiftur inn í steðginum og gjørdi bart í 1. umfari. FC Kyzylzhar vann 2-1 á heimavølli móti Kaspiy Aktau, og føroyingurin varð avgerandi.
Í vetur valdi sáttmálaleysi landsliðsspælarin at royna nakað nýtt. Um eina viku, mánadagin 16 mars, spæla Jóannes Bjartalíð og liðfelagirnir aftur í bestu deildini í Kasakstan.
Vinarliga broyt tínar kennifíla - og privatlívsstillingar fyri at síggja hetta innihald