Agnar Prestá
FSF: Veðurforsøgnin fyri sunnudagin sær ikki tespilig út, og tað ávirkar dystirnar í MeistaraDeildunum hjá bæði kvinnum og monnnum
Fríggjakvøldið er fyrsti dystur í triðja umfari í MeistaraDeildini hjá monnum á skránni, tá EB/Streymur fær vitjan av KÍ við Margáir í Streymnesi.
Síðani skuldu hinir fýra dystirnir verða spældir sunnudagin 22 . mars.
Men orsaka av keðiligari veðurforsøgn hevur kappingardeildin hjá Fótbóltssambandi Føroya avgjørt at avlýsa allan fótbólt sunnudagin, og í staðin framskunda tríggjar dystir til leygardagin og útseta ein dyst til mánadagin.
B36 og B68 spæla leygardagin klokkan 17:00, og ein tíma seinni, klokkan 18:00 byrja dystirnir millum 07 Vestur og Skála. Klokkan 18.30 fara NSÍ og AB á vøllin
Fimti dysturin í triðja umfari, sum er millum Víking og HB, verður fluttur til mánakvøldið 23. mars klokkan 18:30.
Veðrið ávirkar eisini fyrsta umfar í MeistaraDeildini hjá kvinnum. NSÍ og Skála møtast við Løkin í Runavík fríggjakvøldið klokkan 19:00, meðan enn óvist, nær hinir tríggir dystirnir í fyrsta umfari verða spældir.
Vinarliga broyt tínar kennifíla - og privatlívsstillingar fyri at síggja hetta innihald