Flogbóltur: U18-landsliðið við gentum til Kekkia

Í januar vann U18 flogbóltslandsliðið við gentum seg víðari í EM-undankappingini og skal nú til Kekkia til aðru undankappingina.

Í fyrstu undankappingini í Dublin í januar gjørdist liðið nummar tvey og skal tí frá 26. til 28. mars spæla ímóti Kekkia, Kroatia og Ukraina.

Dystirnir verða í Kutna Hora, sum liggur áleið 100 km frá Prag í Kekkia, skrivar Flogbóltssamband Føroya.

Annar partur av undankappigini er skipaður í fimm bólkum, har Føroyar er í bólki D. Teir fimm vinnararnir av bólkunum og fýra teir bestu tveyararnir fara víðari til EM-endaspælið, sum verður í Lettlandi og Litava í juli.

12 leikarar eru úttiknir til kappingina í Kekkia. Teir eru:

• Edna Henriksen, SÍ
  
• Gunn Gaardlykke, Dráttur
  
• Børka Jákupsdóttir, Fleyr
  
• Bylgja Holm, Fleyr
  
• Marjun á Mýrini, Ikast KFUM
  
• Anna Katrina í Haraldstovu, SÍ
  
• Halla Haraldsen, SÍ
  
• Josefina Ingibjørg Fjallsbak, SÍ
  
• Ruth Berg Jespersen, TB
  
• Marjun Blástein, B71
  
• Maria Hovgaard, KÍF
  
• Petra Panic, Dráttur