Eftir 0-30: Hava tikið liðið úr kappingini

Mánadagin kunngjørdu EB/Streymur og FC Hoyvík, at feløgini fóru at hava felagslið í fremstu kvinnudeildini.

Seinni sama dag tapti liðið 30-0 fyri HB í Gundadali í fyrsta umfari.

Les eisini: HB vann 30-0

Úrslitið vakti ans í Føroyum og uttanlands: Millum annað skrivaðu Ekstra Bladet og stórar altjóða fóbóltssíður á sosialu miðlum um sermerkta úrslitið.

Nú hava feløgini tikið avleiðingina og tikið liðið úr kappingini.

- Eftir ætlan skuldi Víkingur spæla móti EBS/Hoyvík í morgin, men av tí at tær hava tikið liðið úr kappingini, verður dysturin av ongum.

Hetta skrivar Víkingur um sítt fremsta kvinnulið í dag, og Portalurin hevur síðani fingið váttað tíðindini um, at EBS/Hoyvík heldur fer at spæla í 1. deild.

Harvið vera sjey lið í Meistaradeildini í ár, heldur enn átta.