Drúgvur føroyskur ferðadagur fyri framman

Mikukvøldið settu tær Ísland uppá pláss við Tjarnir, í gjárkvøldið kom EM-plássið endaliga í hús eftir Montenegro-sigur í Portugal, og í morgun setur føroyska ferðalagið kós móti Podgoricia.

Sí eisini: Føroyar skulu til EM-endaspælið í desember (staðfest)

Tað verður í montegrinska høvuðsstaðnum, at Føroyar klokkan 17 sunnudagin spæla tann seinasta av seks dystum í hesari undankappingini. Hann hevur ikki so nógv at siga, men avgerð endaliga, hvør vinnur bólkin. 

Fyri at yvirhála oddaliðið í bólkinum, skuli Føroyar vinna við sjey málum móti liðnum, sum føroysku kvinnurnar hava tapt við seks málum (EM-undankapping við Tjarnir, oktober 2025) og fimm málum móti (HM-endaspæl í Trier, desember 2025). 

Bæði liðini hava spælt seg til EM, sum verður í desember. Tó kann dysturin sunnudagin nýtast til nógv. Føroyar vilja millum annað royna at vísa, at man kann nærkast Montenegro, sum er kent fyri millum annað kropsliga styrki.

Pernille Brandenberg skoraði átta mál móti Montenegro í fyrsta dystinum í HM-endaspælinum - men tað var ikki nóg mikið (Mynd: Sverri Egholm)

Tríggjar flogferðir og long ferð

Lagið man vera gott í føroysku leguni, og tað kann vera týðandi, tí talan er um ógvuliga langan ferðadag.

Hópurin leggur leiðina vestur á flogvøllin í hesi løtu og er ikki uppá pláss á gistingarhúsinum í Montenegro, fyrrenn klokkan nærkast midnátt - føroyska tíð.

Harvið er ferðatíðin samanlagt umleið 17 tímar, um alt gongst sum ætlað. Ferðalagið skal bíða í nógvar tímar í Keypmannahavn, og tíðin verður millum annað nýtt til eina venjing. 

Síðani verður flogið til Wien og seint í kvøld víðari til Podgoricia. Har fyrireikar føroyska EM-liðið seg víðari til at set apunktum fyri sína bestu undankapping higartil.

Portalurin og FM1 eru við á ferðini, og hava vit ymiskt tilfar næstu dagarnar. Í morgin klokkan 11 er beinleiðis sending úr Podgorica við fleri føroyskum spælarum.