Liam Rosenior fingið sekkin eftir 104 dagar í Chelsea-sessinum

Tað skuldi næstan ikki komið undir tíðindi longur, men hetta er ein av margháttiligur uppsøgnunum hjá Chelsea:

8. januar skrivaði Liam Rosenior undir seks-ára sáttmála við stóra London-felagið, men undir fýra mánaðair seinni, eftir bert 104 dagar í sessinum, er bretin uppsagdur.

Harvið skal Chelsea aftur gjalda einum venjara, sum ikki starvast fyri felagið, nógva løn. Summi væl lýdd tíðindafólk skriva í dag, at talan kann vera upp ímóti 24 milliónir pund - yvir 200 milliónir krónir.

Uppsøgnin varð almannakunngjørd tíðliga í kvøld. Hetta í kjalarvørinum av enn einum keðiligum Chelsea-avriki í gjár: 3-0 tapi í Brighton.

Talan var um fimta tapið á rað hjá Chelsea - liðið skoraði einki mál í hesum dystunum, og hetta kostaði Liam Rosenior starvið.

41-ára gamli bretin hevði lítlar høvuðsvenjararoyndir, tá hann tók yvir í stórfelagnum.

Eftir tapið í gjár, er Chelsea nú nummar 7 - Brighton yvirhálaði. Sjey stig eru upp til Champions League-pláss.

Tað er Callum McFarlane, sum tekur yvir restina av kappingarárinum. Hann hevur verið partur av venjartoyminum og stóð á odda tveir teir fyrstu dystirnar í 2026, eftir at Enzo Maresca varð uppsagdur - og áðrenn Rosenior tók við.

Chelsea hevur havt samanlagt átta venjarar í stór fýra ár; tríggir sum fyribils.