Agnar Prestá
Nú nærkast summarið av álvara, og tað merkir eisini, at stevnirnar og kappróðurin byrja.
Sum vant er Norðoyastevnan fyrst á skránni, og leygardagin leggja nærum 100 bátsmanningar til brots á fjøðrinum í Klaksvík.
Róðrarsamband Føroya hevur í dag lagt startrøðina út fyri Norðoystevnuna. Sum nú er, standa 96 manningar á. Á Norðoyastevnnu í 2025 róðu júst 96 bátar.
Í barnaróðrunum eru innleiðandi róðrar og finalur. Fyriuttan teir er Fimmmannafør hjá dreingjum (14-16 ár) tann við flest manningum. So áhugin hjá teimum ungu er framvegis stórur.
Hjá áttamannaførum og bæði hjá seksmannaførum við kvinnum og monnum eru átta manningar - hjá kvinnum er nógv vinnandi Jarnbardur ikki við.
Aftur í ár eru tríggjar tíggjumanafarsmanningar. Ormurin Langi úr Knørri "avloysir" Norðing, sum hevur roynt at bjóða av seinastu árini. Havnarbáturin vann Norðoyastevnu og FM í fjør, men fleiri broytingar eru á manningini í ár. Millum annað eru nógvir frá Ørvi farnir upp.
FM1 hevur kappróðrarsendingina Ár og bekk hvønn týsdag klokkan 17.15. Hoyr partin, sum var í gjár, her:
Ár og bekk: Stórur spenningur í 10-mannafarsróðrinum
Vinarliga broyt tínar kennifíla - og privatlívsstillingar fyri at síggja hetta innihald