Christian Eriksen: - Eg havi tað gott

Danski landsliðsspælarin Christian Eriksen letur nú frætta frá sær eftir at hann undir venjingardysti móti Ukraina í Odense small um.

- Eg havi tað gott og eg eri heima hjá familju míni. Sum tit helst kunnu ímynda tykkum hevur tað, at fáa ein stoyt frá mínum ICD (pacemaker) havt stóra ávirkan á bæði meg og familju mína, men eg kann sissa øll við, at hetta var ein onnur støða enn tað, sum hendi í 2021. Eg havi tað gott, og støðan batnar, skrivar hann á Instagram.

Í 2021 small Christian Eriksen nevniliga eisini um undir einum dysti móti Finnlandi. Tað var í Parkini í EM-endaspælinum. Millum annað tí kom hetta sum ein veruligur skelkur á viðleikarar og eisini á onnur kring vøllin.

Hann takkar læknunum, sum hava tikið sær av honum og hjarta hansara gjøgnum árini.

- Takkað verið teirra serfrøði gjørdi pacemakarin júst tað hann skuldi. At verja meg tá eg hevði brýk fyri tí, skrivar Eriksen.

- Nú skal eg koma fyri meg, brúka tíð saman við familjuni, fara í feriu og spæla fótbólt saman við børnunum, skrivar Christian Eriksen.

(Mynd: Bo Amstrup/Ritzau Scanpix)