Country-dystur í Sørvági og oddadystur við Løkin

Eftir landsliðssteðg verður lagt til brots aftur í Meistaradeildini hjá monnum í dag, leygardagin 13. juni. Spælt verður í Sørvági og við Løkin, og er talan um fyrstu dystirnar í 13. umfari

13. umfar í Meistaradeildini hjá monnum
Í dag, leygardagin 13. juni 

15.00: 07 Vestur - Víkingur (FM1)
19.00: NSÍ - B36 (FM1)

Í morgin, sunnudagin 14. juni

15.00: Skála - KÍ
15.00: EB/Streymur - B68 (FM1)

17.15: AB - HB (FM1)

Klokkan 19.30 í morgin byrjar sendingin 3. hálvleikur, sum tekur samanum umfarið, á FM1.

Sí eisini: Abraham Løkin: - Eg ringdi bara til Richard Møller Nielsen

Tór Ingar Akselsen hevur tikið við í 07 Vestur, eftir at samstarvið við Michael Schjønberg endaði síðst í mai. Fyrsta uppgávan hjá fyrrverandi stórspælara og hjálparvenjara felagsins, sum høvuðsvenjari hjá botnliðnum, er Víkingur. Liðini spældu málleysan janvleik í Sarpugerði fyrst í mai

hjá Jóhan Peturi Poulsen vann tveir teir seinastu dystirnar undan landsliðssteðginum og kann nærkast minst einum av teimum trimum fremstu liðunum í dag.

Countryfestivalur er í Sørvági, og tað kann seta sín dám á. FM1 sendir beinleiðis úr Sørvági frá klokkan 13

Lurta her

Myndir: Fríggjakvøld á Countryfestivalinum

NSÍ og B36 eru ájøvn í stigum - eisini við KÍ. Harvið er nógv uppá spæl í Runavík í kvøld: Talan er um lykladyst í oddastríðnum.

B36 vann innanhýsis dystin millum liðini, sum var í Gundadali 4. mai (2-0). Torgeir Børven er farin, og ivamál er um, hvørt lyklaspælarar sum Heini Vatnsdal eru tøkir aftur eftir skaða.

NSÍ tapti fyri AB beint undan landsliðssteðginum, og misti harvið takið á sjálvum oddasessinum. Hann kann vinnast aftur í dag.

FM1 sigur frá bæði við Løkin og í Runavík.  Til ber eisini at fylgja við gongdini í tveimum teimum fyrstu dystunum eftir landsliðssteðgin ovast á Portalinum