Kappróður vístur á stórskíggja í Vágsbotni

Leygardagin verður triði FM-róður í summar, hesa ferð á jóansøku í Vági.

Nógv fólk ætla sær ivaleyst suður til Vágs at halda jóansøku, men tey, sum ikki kunnu fara suður, hava nú møguleikan at síggja kappróðurin beinleiðis á stórskíggja við Trappuna í Vágsbotni, sigur Tórshavnar kommuna.

Spenningur hevur verið á tveimum teimum fyrstu FM-stevnunum, har Havnarbáturin og Ormurin Langi hava vunnið hvør sín róður.

Í sambandi við, at kappróður verður vístur, verða vegirnir til og úr Vágsbotni stongdir millum 14.30 til 18.30.