Noreg og Haaland bastu Brasil og skrivaðu HM-søgu

- Vi taper aldrig mot Brasil. Eventyret forsetter! Vi skal til Miami at spille kvartfinale.

Millum annað soleiðis tók frálíki frásøgumaðurin hjá NRK til eftir seinasta bríksl í New Jersey, har sigurs- og sorgartár sóust, har tað sjálvandi varð róð, og har "Alt for Norge" og "Take on Me" ljómaðu í hátalaraunum.

Hesaferð slapp tvímálsskjúttin at sláa á trummuna, so teir túsundtals norðmenninir í New Jersey sluppu at rógva. Tað gekk ikki friðarliga fyri seg (Mynd: Al Bello/AFP/Ritzau Scanpix)

Eins og í HM-endaspælinum 1998, endaði tað 2-1 til Noreg móti Brasil. Hesaferð var tað tó ikki neyðugt hjá norðmonnunum at venda tí á dramatiskan hátt, og málið hjá Brasil, brotssparksmál hjá Neymar eftir 99 minuttir, var bert fyri at pynta uppá tað.

Tí Ørjan Nyland hevði longu bjargað einum brasilskum brotssparki og annrs havt nakrar stórar bjargingar.

Ørjan Nyland við brotssparksbjarging tíðliga í dystinum: Norski málverjin las Bruno Guimaraes  (Mynd: Elsa/AFP/Ritzau Scanpix)

Sevilla-málverjin er vorðin nýggj norsk hetja undir tíðini í USA, og í dag spældi hann ein frálíkan dyst (Mynd: Justin Setterfield/AFP/Ritzau Scanpix)

Noreg hevur eisini eitt sterkt lið og ein áleypari í heimsflokki, og við báðum málmøguleikum sínum - tann seinni var í roynd og veru ikki ein møguleiki - avgjørdi Erling Braut Haaland hesa HM-áttandapartsfinaluna á flottan hátt. 

Fýra HM dystir og sjey mál hjá Haaland og eitt søguligt fjórðingsfinalupláss til alt Noreg. Ver så god!

Noreg skal leygarkvøldið 11. juli spæla HM 1/4- finalu í Miami. Hetta móti vinnaranum av Meksiko - Ongland sum spæla í nátt