Agnar Prestá
Føroyar spældu væl og stríddust væl so at siga allan vegin móti Týsklandi, men favorittarnir vóru omaná og vunnu at enda við fýra.
Sí eisini: U20 EM: Flott føroyskt avrik móti favorittunum
Myndir: Tætta stríðið við Týskland
Eftir hendan seinna dystin í EM-miðumfarinum, kunnu ungu føroysku menninir hvíla ein dag og venda eyguni móti næstu uppgávu: Ísrael og at spæla seg til HM-endaspælið fyri U21-lið næsta ár.
Nú tað ikki rakk til fjórðingsfinalu, enda Føroyar onkustaðni millum 9 og 16 av teimum 24 londunum í EM-endaspælinum. Og tað er nóg mikið at enda nummar 15 fyri at koma við til endaspæl aftur í 2027.
Tríggir plaseringsdystir eru eftir, og vinna Føroyar ein teirra, er HM-atgongumerki til Skopje í hús.
Fyrsti møguleikin er Ísrael í morgin, hósdagin klokkan 10.00 føroyska tíð. Ísrael hevur júst vunnið á Póllandi, so talan kann avgjørt verða um eina trupla uppgávu.
Portalurin vísir dystin ókeypis og til ber eisini at lurta á FM1.
Vinarliga broyt tínar kennifíla - og privatlívsstillingar fyri at síggja hetta innihald