Áron Vest
Restin av fyrsta umfari verður spæld seinni í dag og ein dystur í morgin. Nógv bendir á, at hetta verður eitt av mest javnu kappingarárunum í fleiri ár. AGF skal nú royna at prógva, at meistaraheitið ikki var eitt eindømi, meðan FC København og FC Midtjylland aftur verða roknað sum fremstu avbjóðararnir. Bæði feløgini hava havt eitt summar við broytingum, men málsetningurin er framvegis tann sami – at vinna meistaraheitið og allatíð verða umtalað sum meistaralið.
Brøndby fer inn í kappingarárið við nýggjum venjara og einum nakað broyttum leikstíli. Í venjingardystunum hevur liðið skift millum sannførandi avrik og meira ótryggar løtur, og javnleikurin í Aarhus gav ábendingar um eitt lið, sum framvegis er í menning. Samstundis vísti Brøndby, at liðið hevur dygdirnar at bjóða teimum bestu av, tá verjuskipanin og umstillingarnar rigga.
Ein av mest áhugaverdu spurningunum undan hesum kappingarárinum er, um AGF megnar at byggja víðari á meistaraárið. Tað er ofta torført at verja eitt meistaraheiti, tí mótstøðuliðini fyrireika seg øðrvísi, og vónirnar eru nógv størri. Tí verður fyrsta parturin av kappingini avgerandi fyri, um verandi meistaraliðið framvegis hevur tað støðið, sum tryggjaði gullið.
Les eisini: Ari Olsen skoraði tá Vendsyssel vendi dystinum í Hvidovre
Eisini verður spennandi at fylgja uppflytarunum í Lyngby Boldklub og AC Horsens, meðan feløg sum FC Nordsjælland, Randers FC og Silkeborg IF enn einaferð fara at stríðast um plássini í ovara endaspælinum. Smálutirnir plaga at gera munin í Superliguni, og tí kann ein góð byrjan fáa stóran týdning, tá farið verður inn í heystið.
Fyrsta umfar er sjálvdan avgerandi fyri endaligu støðuna, men tað gevur ofta eina ábending um, hvørji lið eru longst frammi í menningini, og hvørji framvegis leita eftir rættari javnvág.
Vinarliga broyt tínar kennifíla - og privatlívsstillingar fyri at síggja hetta innihald