Føroyskir svimjarar til EM i París

Í hesum døgum er EM í svimjing á skránni í París, har fýra svimjarar umboða Føroyar.

Teir eru Heini Mohr Askam og Líggjas Joensen úr Ægir, og Ísak Brisenfeldt og Silas Dam Lindberg úr Havnar Svimjifelag.

Petur Heðin á Fløtti er venjari á ferðini, og Sabina Poulsen er ferðaleiðari, skrivar Svimjisamband Føroya.

EM í París er frá 7. til 17. august.