Agnar Prestá
Mjällby skal spæla deildarspæl í heyst og í vetur. Spurningurin nú er bara, hvat um tað verður í Europa League ella í Conference League.
Í 3. umfari í Champions League endaði tað við tveimum tapum og samanlagt 4-1 til Slovan Bratislava, og harvið skulu svensku meistararnir nú niður í Europa League.
Tað var 2-1 til Slovan eftir dystin í Svøríki, og Slovan vann aftur í seinna dystinum.
Áki Samuelsen skoraði tvey mál, tá Mjällby spældi seg víðari í 2. umfari. Føroyski vongurin spældi allan dystin í Slovakia týskvøldið, og var hann nær við at skora eftir ellivu minuttir. Renningin hjá havnarmanninum var røtt og góð, men skotið fór stutt framvið.
Sí møguleikan og hæddarpunkt ovast ella á Youtube
Mjällby kundi lagt seg á odda og javna samanlagt í øðrum støðum, men við flottum máli tíðliga í 2. hálvleiki økti Slovan Bratislava til 3-1 samanlagt, og heimaliðið fekk eisini eitt mál afturat.
4-1 samanlagt, og í røkkstøkkumfarinum í Europa League (play-off) skal Mjällby eftir øllum at døma spæla ímóti Benfica: Ein stór uppgáva hjá føroyingafelagnum. Martin Agnarsson kom eisini á vøllin í gjár.
Vinarliga broyt tínar kennifíla - og privatlívsstillingar fyri at síggja hetta innihald