Pauli vann sannførandi 1. teinin í Leif Mohr Kring Føroyar

Í gjár byrjaði árliga súkklukappingin, Leif Mohr Kring Føroyar. Hetta er 29. árið at skipað verður fyri hesari kapping. Kappingin heldur fram til sunnudagin komandi, tá finalan verður súkklað í Havn.

Kappast bleiv í Vágunum í gjár. Teinurin, ið bleiv súkklaður var millum FK í Miðvági og Flogvøllin. Flatari teinur, og betur teinur til tíðarkoyring, finnist næstan ikki í Føroyum.

Súkklarar skuldu í dag koyra hendan tein tvær ferð, íalt 20 kilometrar.

Undan kappingini var Pauli Poulsen favorittur. Tað bleiv til ein tryggan sigur, og vann hann við smáum tveimum minuttum á nummar tvey, sum gjørdist Bergtór Thorsteinsson. Andrass Joensen gjørdist nummar trý, og munurin millum Bergtór og Andrass var ein góður hálvur minuttur.

Í dag heldur kappingin fram í Norðoyggjum. Byrjað verður klokkan 18, og súkklað verður úr Klaksvík, til Viðareiði, til Árnafjarðar, til byrgingina til Haraldsund, og so á mál við Effostøðina í Klaksvík.

Ongin kvinna var við í gjár, men tveir unglingar vóru til dystin fúsir. Jónatan Gregersen og Benjamin Crooks. Jónatan vann og Benjamin gjørdist næstur. Munurin var góðar fýra minuttir.

Úrslit, menn, opin bólkur, 1. teinur:

1. Pauli Poulsen, 27 min og 41 sek. Miðalferðin var sostatt 44 km/t.
2. Bergtór Tórsteinsson, 00:29:36
3. Andrass Joensen, 00:30:04 

Úrslit, unglingar, 1. teinur:

1. Jónatan Gregersen, 00:37:26
2. Benjamin Crooks, 00:41:23

Sí myndir frá kappingini jn.fo