Video: Geza við í báðum málunum og aftur dagsins maður hjá Grimsby

Enn ein dystur og enn ein persónligur heiður sum dagsins spælari hjá Grimsby. Tíverri endaði tað annað vikuskifti á rað hjá Geza David Turi og liði hansara.

Sí eisini: Geza á fleiri vikuliðnum - vinnur frama í Onglandi

Grimsby legði seg annars á odda 2-1 í 64. minutti. Hetta var eftir at 24-ára gamli gøtumaðurin rann eini 50 metrar við bóltinum og síðani sendi perfekta alvering til Finley Potter, sum skoraði.

Hetta var í klassiskum "Geza-stíli", og áræði og teknisku førleikarnir hjá føroyska landsliðsmiðvallaranum halda framhaldandi ans.

Geza átti triðseinasta fót á hinum málinum hjá heimaliðnum við góðari sending í dýpdina eftir góða nerting áðrenn.

Sí mál og hæddarpunkt frá dystinum hjá Geza og Grimsby í dag ovast ella á Youtube-síðuni hjá Grimsby Town

Niðanfyri ber til at síggja og hoyra Geza Turi seta orð á dystin:

Nummar 15 hjá Grimsby vísir á, at man var betra liðið - og tað vístu tølini eisini. Men 2-2 og harvið fimm stig eftir tríggjar dystir í League Two.

Týskvøldið er Accrington Stanley á skránni. Geza David Turi spældi 90 minuttir í dag.