Agnar Prestá
FSF-Varpið: Manslandsliðið er farið undir fyrireikingarnar til fyrstu dystirnar í UEFA Nations League. Aftaná venjingina mánadagin fekk FSF Varpið orðið á Andrias Edmundsson, sum ætlar sær at spæla við um tey stuttligu plássini í bólkinum.
Føroyska A-landsliðið við monnum hevði seinnapartin mánadagin sína fyrstu samling undan teimum fýra UEFA Nations League-dystunum, sum standa fyri framman.
Myndir: Fyrsta venjingin á Tórsvølli
Frá 26. septembur til 6. oktobur skal landsliðið nevniliga spæla tveir heima og tveir útidystir. Síðstu dystirnir í bólkinum verða spældir í novembur mánað.
Her er skráin fyri langa landsliðsvindeygað
Millum spælararnar í hópinum er Andrias Edmundsson, ið dagliga spælir við Hellas Verona FC í Italia. Miðverjin er fegin um aftur at vera partur av landsliðshópinum og sær fram til nýggju kappingina.
– Vit fara sjálvandi eftir at fáa so nógv stig sum gjørligt, og vónin er at vera við í kappingini um tey stuttligu plássini, sigur Andrias.
Hávaksni verjuspælarin hevur góðar vónir til føroyska liðið - er spentur uppá hvat man megnar at vísa - og trýr upp á, at Føroyar kunnu gera vart við seg í komandi dystum.
Í nýggju UEFA Nations League-kappigini eru Føroyar í bólki C3, saman við Kasakstan, Slovakia og Moldova.
Atgongumerki fáast til keyps í nethandilinum á FSF.fo og á atgongumerki.fo.
Vinarliga broyt tínar kennifíla - og privatlívsstillingar fyri at síggja hetta innihald