Fótbóltur

Andrias Edmundsson hevur leikbann - Arnbjørn Svensson skal við til Kasasktan

Verjuprofilurin úr Hellas Verona fekk annan dystin á rað gult kort, og harvið verður toftamaðurin ikki við í føroyska ferðalagnum til Astana. Tað verður ein gøtumaður ístaðin.

Andrias Edmundsson aftaná dystin í kvøld - nummar 5 gjørdi aftur stóran mun fyri Føroyar. Tó fekk hann eitt keðiligt gult kort, sum kostaði (Mynd: Sverri Egholm)

Andrias Edmundsson aftaná dystin í kvøld - nummar 5 gjørdi aftur stóran mun fyri Føroyar. Tó fekk hann eitt keðiligt gult kort, sum kostaði (Mynd: Sverri Egholm)

2026-10-02 22:51 Author image
Agnar Prestá
placeholder

Føroyar fingu eitt gott úrslit á Tórsvølli í kvøld móti einum liði í ovaru hálvu av Evropa, í mun til styrkistøl.

Eitt minus á kvøldinum var, tá ein annars vælspælandi Andrias Edmundsson misti bóltin á egna hálvu og "tók eitt gult kort".

Hellas Verona-liðformaðurin fekk eisini gult kort í Moldova týskvøldið, og tað skulu bert tvey til fyri at fáa leikbann.

Harvið verða Føroyar uttan 25-ára profilin av Toftum í Astana týskvøldið. Hann fer sum skilst aftur til Italia í morgin.

Ein annar miðverji kemur við til Kasakstan ístaðin. Talan er um Arnbjørn Svensson, sum hevur fingið boð eftir dystin móti Slovakia.

27-ára gamli gøtumaðurin hevur spælt fýra A-landsdystir; millum annað móti júst Kasakstan í venjingardysti í november.

[object Object]
Arnbjørn Svensson til landsliðsvenjingí Kekkia í fjør (Mynd: Sverri Egholm)

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder