Myndir: KÍ tryggjaði FM-heitið nummar 25

HB var fremst eftir grundspælið, og eisini á odda 2-1 tá yvirtíðin fór í gongd í steypafinaluni, men KÍ-kvinnurnar hava aftur víst dygdir sínar og serliga vinnaraviljan. Tær hava nú aftur vunnið eina greipu.

FM nummar 25 og nummar 24 í hesari øldini kom í hús í stórum stíli seinnapartin, tá KÍ vann 6-0 á Skála, sum avloysti NSÍ í FM-bólkinum.

Tríggjar skoraðu tvey mál hvør: Heidi Sevdal, ið kom úr júst NSÍ í summar, Durita Hummeland, sum hevur verið flúgvandi í seinastuni og millum annað avgjørdi steypafinaluna, og til seinast unga og lokala Ranja Joensen.

Samanlagt 41 stór steyp til KÍ síðani aldarskifti, sum er ómetaliga flott. Fagnaður við Djúpumýru í dag; sjálvt FM-steypið verður handað seinni í mánaðinum.