Annað

Hesir svimjarar skulu til HM, NM og NJM

Samanlagt tólv svimjarar eru úttiknir til tær tríggjar stóru kappingarnar, sum eru á skránni fyrst í desember.

Jóhanna Ólavsdóttir úr Ægir (Mynd: Svimjisamband Føroya)

2026-11-10 16:43

Agnar Prestá

Ægir Open, sum var vikuskiftið 30 okt -1.nov, var seinasta freist at megna kravtíðirnar til millum annað HM i Kina.

Sí eisini: Fleiri góð úrslit til Ægir Open um vikuskiftið

Nú hevur Svimjisambandið kunngjørt, hvørji fýra skulu við til heimsmeistarastevuna í Kina fyrst í desember.

Starsnevndin hjá Svimjisamband Føroya hevur tikið hesa fýra út:
Ísak Brisenfeldt, 2006, HS

Líggjas Joensen, 2008, Ægir

Lea Osberg Højsted, 2008, Ægir

Jóhanna Ólavsdóttir, 2007, Ægir

HM verður í Beijing í Kina í døgunum 1-6. desember.

Ísak Brisenfeldt og Líggjas Joensen svimja dagliga í Danmark, og báðir skulu til HM - her sæst Ísak, eftir at hann hevði fingið tignarligastu gullnálina við stjørnu í sambandi við Ægir Open (Mynd: Svimjisamband Føroya)

Sí eisini: Jóhanna Ólavsdóttir og Fróði Hansen settu met

Nógvir aðrir svimjarar stóðu seg væl í Klaksvík herfyri, og spennandi hópar eru eisini tiknir út til NM og NJM í Litava 4. - 6. desember.

Norðurlanda meistarakapping fyri juniorar og seniorar verður í Vilnius, og samanlagt átta føroyingar skulu kappast. Svimjisband Føroya skrivar, at avgerð er nú tikin um, at hesi eru úttikin at luttaka og umboða Føroyar:

Bartal Erlingsson Eidesgaard, 2003, HS

Heini Mohr Askam, 2006, Ægir

Silas Dam Lindberg, 2008, HS

Fróði Hansen, 2008, Ægir

NJM

Tórir Olsen, 2011, Ægir

Theodor Salter, 2011, HS

Sissal Rógvadóttir, 2011, Susvim

Jórun Winther, 2011, Susvim

Fróði Hansen og Tórir Olsen úr Ægir í sambandi við kappingina í heimahylinum, har teir megnaðu kravtíðina (Mynd: Svimjisamband Føroya)

Vinarliga broyt tínar kennifíla - og privatlívsstillingar fyri at síggja hetta innihald