NSÍ og Oddur hava longt samstarvið

Í ár hava Jóhan Troest Davisen og Oddur Árnason Højgaard mannað miðverjuna hjá NSÍ, og hendan samansetingin hevur eydnast væl. Oddur kom til NSÍ undan kappingarárinum eftir eitt gott kappingarár í EB/Streymi.

29-ára gamli toftamaðurin hevur spælt 16 dystir í øllum kappingum í ár, og nú er greitt, at Oddur Højgard heldur fram í gulum og svørtum komandi kappingarár. NSÍ hevur á heimasíðu sínari boðað frá, at stóri og sterki miðverjin hevur skrivað undir nýggjan sáttmála við felagið.