Fótbóltur

Atgongumerkjasølan til finaluna um Løgmanssteypið byrjar í morgun

HB og Víkingur bresta saman á Tórsvølli um júst ein mánað.

Um ein vil ogna sær eitt atgongumerki til finaluna, so er møguleiki frá tí frá klokkan 10.00 (Mynd: Jens Kr. Vang)

Um ein vil ogna sær eitt atgongumerki til finaluna, so er møguleiki frá tí frá klokkan 10.00 (Mynd: Jens Kr. Vang)

2019-08-21 08:14 Author image
Agnar Prestá
placeholder

Fokus er í hesum døgum á harða og spennandi oddastríðið í Betrideildini; í kvøld er t.d. oddabrak við Djúpumýrar í Klaksvík millum KÍ og B36. 

Fyrst í september spælir A-landsliðið hjá monnum móti Svøríki og Spania, men seinni í september er Tórsvøllur karmur um steypafinalurnar. 

Finalan um Løgmanssteypið verður í ár leygardagin 21. september millum HB og Víking. Hesi liðini hittust seinast í finaluni í 2014.  

[object Object]
(Til steypafinaluna í fjør - Mynd: Sverri Egholm) 

Frá klokkan 10.00 í morgun er møguleiki at keypa atgongumerki til finaluna, ið er sera spennandi á pappírinum. Í fjør, tá HB og B36 hittust, var útselt. Eins og tá eru 3.500 pláss tøk á Tórsvølli, ið framvegis er undir umbygging.

FSF upplýsir, at feløgini hava fýra sektiínir á langsiðuni hvør. Hetta hevur seinastu árini verið við til at fáa ein sera góðan stemning á tjóðarleikvøllinum til ársins størsta einstaka dyst. Áskoðarnir, ið ikki hava tilknýti til annað felagið, eru ætlaðir at sita, har sum FSF-húsið er; har Skansin heldur til til landsdystir. 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder