2020-10-14 08:31 
Ingi Samuelsen
Ingi Samuelsen
Stjørnan á portugisiska landsliðnum, Cristiano Ronaldo, verður ikki við, tá vinnararnir av seinastu Europa League kapping spæla móti Svøríki á heimavølli í kvøld.
Cristiano Ronaldo hevur ikki vant saman við liðfeløgunum, og er avbyrgdur á hotellkaparinum eftir at ein koronaroynd, ið varð tikin mánadagin, vísti, at hann var positivur. Hesum boðaði portugisiska fótbóltssambandið frá í gjár.
Sambandið skrivar, at Ronaldo nú er avbyrgdur, men at hann hevur tað gott og hevur ongi sjúkueyðkenni.
Hinir spælararnir í portugisiska hópinum vórðu kannaðir aftur í gjáramorgunin, og allar royndirnar vóru negativar.
Áðrenn hann var staðfestur við korona, sendi Cristiano Ronaldo hesa myndina út á Instagram av øllum portugisiska landsliðshópinum:
Vinarliga broyt tínar kennifíla - og privatlívsstillingar fyri at síggja hetta innihald