Erik Hamrén verður nýggi landsliðsvenjarin hjá Íslandi. Tað skrivar felag hansara á Twitter.
Mamelodi Sundowns FC, har Erik Hamrén starvast í løtuni sum tekninskur stjóri, skrivar, at sáttmálin við Hamrén er slitin, tí at hann nú verður venjari hjá Íslandi, sum luttók í HM í Russlandi í summar.
Erik Hamrén er fyrrverandi svenskur fótbóltsleikari og hevur verið venjari hjá eitt nú AIK, Aab Aalborg, Rosenborg og venjari fyri svenska landsliðið.
Hamrén var venjari hjá Svøríki frá 2009-2016, og leiddi landsliðið til EM í 2012 og 2016.
Íslendska fótbóltssambandið hevur ikki váttað tíðindini enn, men sambært íslendska morgunblaðnum verður Hamrén avdúkaður sum nýggjur landsliðsvenjari á tíðindafundi hjá íslendska fótbóltssambandinum við Laugardalsvøllin í morgin.
Media Release:
— Mamelodi Sundowns FC (@Masandawana) August 6, 2018
Mamelodi Sundowns have announced that their Head of Technical, Erik Hamren has been released from his contract to take over as the national coach of Iceland, which participated in the FIFA World Cup in Russia.
1of2...
Vinarliga broyt tínar kennifíla - og privatlívsstillingar fyri at síggja hetta innihald