Annað

Talv: Sandavágur ella Havnin?

Í dag endar landskappingin í talvi við stórum felagsumfari á Skúlatrøð í Klaksvík.

2023-03-18 09:19 Author image
Tíðindaskriv
placeholder

Mesti spenningurin er í 1. deild. Sandavágs Talvfelag hevur verið einaráðandi í vetur og vunnið allar níggju dystirnar. Men kortini er eingin avgerð fallin enn. Føroyameistarnir úr Havnar Telvingarfelag eru tvey stig aftanfyri.

Vágamenn standa seg tí við hálvumøðrum stigi í innanhýsis dystinum millum oddaliðini í seinasta umfarinum. Tað røkkur til FM-sigurin. Havnarmenn mugu afturímóti vinna finaluna á vágamonnum í minsta lagi 3-1. Gera teir tað, verður umdystur um FM-heitið við nýggjari finalu í kviktalvi sama dag.

Talvsamband Føroya ætlar at vísa leikirnar á teimum fýra borðunum í FM-finaludystinum beinleiðis á heimasíðuni - faroechess.com. Byrjað verður klokkan 10 í dag.

Úrtøkan higartil

Her sæst hvussu úrtøkan hjá hvørjum einstøkum telvara á toppliðunum báðum hevur verið í vetur:

Sandavágur
1. Rógvi Egilstoft 7½/9
2. Høgni Egilstoft Nielsen 9/9
3. Silas Eyðsteinsson 5½/6
4. Jón í Horni Nielsen 6/8
5. Torkil Nielsen 2/3
6. Rúnar Berg 0/1

Havnin
1. Helgi Dam Ziska 6½/7
2. Martin Poulsen 3½/5
3. Olaf Berg 6½/8
4. Luitjen Akselsson Apol 4/5
5. Carl Eli Samuelsen 5/7
6. Sjúrður Thorsteinsson 1/1
7. Hjalti Toftum Jógvanson 1/2
8. Rógvi Mortensen ½/1


ST best síðan 2010

Vinnur Sandavágs Talvfelag í ár, verður tað áttanda FM-heitið hjá felagnum í bestu deildini. Tá leggja teir seg upp á síðuna á Klaksvíkar Talvfelag, sum leingi hevur verið næstmest vinnandi felagið.

Síðani 2011 hava Sandavágs Talvfelag (ST) og Havnar Telvingarfelag (HT) vunnið eftir tørni - ST sjey ferðir og HT fimm ferðir.

2010 KTF
2011 ST
2012 HT
2013 ST
2014 ST
2015 ST
2016 ST
2017 HT
2018 HT
2019 ST
2020 HT
2021 ST
2022 HT


FM-sigrar í alt (1971-2022)
HT 25
KTF 8
ST 7
VT 6
KT 4
TT 1
TFS 1


Støðan í 1. deild

[object Object]

10. umfar (leygardagin 18. mars)
Sandavágur - Havnin
Klaksvík A - Havnin B
Kollafjørður - Klaksvík B


Double up til Sandavág?

Alt bendir á, at Sandavágs Talvfelag hevur tvey lið í 1. deild komandi kappingarár. Fyri síðsta umfar í 2. deild eru vágamenn á odda, og eru trý stig undan harðasta kappingarneytanum, so tað skal vilja illa til, um teir snáva nú.

Støðan í 2. deild

[object Object]

10. umfar (leygardagin 18. mars)
Sandavágur - Vestmanna
Havnin B - Klaksvík
Havnin A - Kollafjørður


Skálafjørðurin ella Sundalagið

Í 3. deild stendur kappingin millum teir í Runavíkini og felagsliðið í Sundalagnum. Munurin er ikki størri enn so, enn at dystirnir í síðsta umfari kunnu avgera alt.

Støðan í 3. deild

[object Object]

10. umfar (leygardagin 18. mars)
Kongshavn - Kollafjørður
Sandavágur A - Rókur
Sandavágur B - Toftir


Stavn um stavn

Í 4. deild eru gøtumenn og klaksvíkingar í veruligari kapprenning um sigurin og uppflyting. Her verður spenningur til síðsta leik.

Støðan í 4. deild

[object Object]

10. umfar (leygardagin 18. mars)
Gøta A - Rókur B
Gøta B - Toftir
Havnin - Kongshavn
Vestmanna - Klaksvík A
Klaksvík B - Rókur A


Havnin FM-vinnari

Hóast eitt umfar er eftir í unglingadeildini, er longu greitt, at manningin hjá Havnar Telvingarfelag hevur tryggjað sær meistaraheitið.

Støðan í unglingadeildini

[object Object]

10. umfar (mikudagin 22. mars)
Havnin A - Klaksvík A
Sandavágur A - Havnin B
Sandavágur B - Gøta

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder