Annað

Flogbóltslandsliðini á heimavølli í Silver League

A-landsliðið hjá kvinnum setur sjøtul á kappingina leygardagin tá Montenegro er á vitjan í Høllini á Hálsi.

(Mynd: Flogbóltssambandið)

(Mynd: Flogbóltssambandið)

2023-05-24 09:34 Author image
Innsent
placeholder

Leygardagin 27. mai setur A-landsliðið hjá kvinnum í flogbólti sjøtul á Silver League-kappingina, tá Montenegro kemur á vitjan í høllini á Hálsi.

“Silvurligan” er ein liga-kapping fyri tey næstbestu landsliðini í Evropa, sum endar við einum finaluumfari við fýra teimum bestu. Vinnarin flytur upp í “Gull-liguna”, sum er evropeisk liga-kapping fyri tey betru liðini.  

Fýra lond eru við í bólkinum hjá Føroyum, sum umframt Føroyar er mannaður við Portugal, Georgia og Montenegro. Spælt verður heima og úti. Montenegro er styrkismett nr. 27 í Evropa, Portugal nr. 27 og Georgia nr. 34, beint undan Føroyum, sum eru styrkismettar sum nr. 35 í Evropa.

Føroyar leggja fyri við trimum heimadystum, sum allir verða spældir í høllini á Hálsi í Havn:

27. mai kl. 18:00: Føroyar – Montenegro
31. mai: kl. 19:00: Føroyar – Georgia
4. juni: kl. 16:00: Føroyar – Portugal

Og síðani verða teir tríggir útidystirnir leiktir soleiðis:
11. juni: Portugal – Føroyar
14. juni: Georgia – Føroyar
16. juni: Montenegro – Føroyar

Føroyska kvinnulandsliðið:
Jóhanna Christiansdóttir, TB
Henrikka Wang Jacobsen, Dráttur
Annika Niclassen, Dráttur
Tórfríð Tavsen, Dráttur
Sofía Purkhús Splidt, Ternan
Birgit Guttesen, Ternan
Amanda Niclassen, Mjølnir
Anna Arnhóldsdóttir, Mjølnir
Sirið Hanusardóttir Samson, Mjølnir
Tóta Búadóttir, Fleyr
Óluva Mohr, Fleyr
Guðrun L. Joensen, KÍF
Jakobina Joensen, KÍF
Sofía Weihe Simonsen, SÍ

Venjari: Cristian Imhoff
Hjálparvenjari: Annika á Stongum


Manslandsliðið:
Menninir spæla sín fyrsta dyst í Silvurliguni mánadagin 29. mai klokkan 18 í høllini á Hálsi, tá Kýpros vitjar. Kýpros spælir eisini sín “heimadyst” í Føroyum, so tí verður aftur dystur á Hálsi longu dagin eftir millum somu lið. Hitt liðið í bólkinum er Lettland.

Lettland er hægst styrkismetta liðið í bólkinum sum nr. 27 í Evropa. Kýpros liggur á 35. plássi, beint frammanfyri Føroyar á 37. plássi.

Dystarskráin hjá monnum:
29. mai kl. 18:00: Føroyar – Kýpros
30. mai kl. 19:00: Kýpros - Føroyar (spældur í Føroyum)
4. juni kl. 19:00: Føroyar – Lettland
10. juni kl. 19:00: Lettland - Føroyar

Føroyska manslandsliðið:
Bjarni Joensen
Mattias Nolsøe Isaksen
Filip Ilic
Ólavur Johannesen
Hjørtur Joensen
Hákun Heinason
Jóhan Arni Elisson Wang
Teitur Eliasen
Vuc Ilic
Tóki í Haraldstovu
Thorvald Danielsen
Niels Niclasen
Silas Poulsen
Símun H. Poulsen

Venjari: Boban Ilic

Hjálparvenjari: Oleksandr Dmytriiev

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder