Video: Her síggjast brotini úr Budapest

Tað var ógvuliga ósannlíkt frammanundan, men føroyameistararnir spældu seg víðari til 2. umfar í Champions League við at basa Ferencvárosi TC 3-0 samanlagt. Ungarska liðið kom ikki til nógvar málmøguleikar í teimum báðum dystunum.

- Vit hava fult tamarhald á. Teir hava so at siga ikki at nakran ordiligan málmøguleika. Tað eru nakrar støður í sambandi við hornasprk, ið næstan gerast vandamiklar, og so langskot sum vit hava tað fínt við. Haldi, at teir hava seks skot á okkara mál í 180 minuttir, og tað haldi eg næstan, er tað flottasta við hesum. Serliga tá man hugsar um, hvat hetta er fyri eitt mótstøðulið.

Soleiðis segði ein ógvuliga fegin og errin Árni Frederiksberg, tá Portalurin tosaði við hann í gjárkvøldið. Vongurin var tvímálsskjútti í Budapest og legði upp til hitt málið hjá KÍ.

Bólturin er á undrunarverdan hátt ávegis í málið hjá Ferencvárosi í yvirtíðini í fyrra hálvleiki, og tað er gingið upp fyri Luc Kassi, fleiri av útskiftarunum og liðleiðaranum Sylvani Jakobsen: 3-0 til KÍ.

KÍ skal næstu tvey mikukvøldið royna seg móti svenska meistaraliðnum BK Häcken. Um KÍ aftur fremur eitt bragd er tað víst, at liðið skal spæla okkurt evropeiskt bólkaspæl í heyst og í vetur. Um talan gerst um tap, skal KÍ spæla í 3. umfari í Europa League. 

Sí brotini, sum Mövzumuz Futbol hevur, ovast. Ungarskur frásøgumaður er. 

Champions League 1. umfar, Seinni dystirnir 
Mikudagin 19. juli, Budapest 
Ferencvárosi - KÍ (0-3)
8' Árni Frederiksberg, br. (Odmar Færø) 0-1
32' Árni Frederiksberg (Deni Pavlovic) 0-2
45 (+1)' Luc Kassi (Árni Frederiksberg) 0-3

KÍ (5-4-1/3-4-3): Nils Jonatan Johansson - Jóannes Kalsø Danielsen, Børge Petersen, Odmar Færø, Vegard Forren, René Shaki Joensen – Árni Frederiksberg, Deni Palvovic (46' Hallur Hansson), Jákup Biskopstø Andreasen, Claes Phillip Kronberg – Luc Kassi

Hesir komu inn í 2. hálvleiki: Mads Boe Mikkelsen, Patrick Da Silva, Sivert Gussiås og Ahmed Latif 

Høvuðsvenjari: Magne Hoseth

Les meira: KÍ feldi Ferncvárosi í framúr dysti