Farloyvisstarv sum samskipari hjá Visit Sandoy

 Vit leita eftir einum forvitnum og væl skipaðum persóni sum ikki bangin fyri at hugsa eitt sindur øðrvísi!

Visit Sandoy hevur tørv á einum samskipara at arbeiða hálva tíð í eitt tíðaravmarka tíðarskeið, í einum spennandi arbeiðisumhvørvi har eingin dagur er eins. Arbeiðisuppgávurnar eru fjølbroyttar og krevja hug og hegni at seta seg inní nýtímans tøkni og sosialar miðlar og at samskifta við nógv ymisk fólk. Vit kunnu bjóða tær stórar møguleikar at menna teg fakliga og persónliga. Man sigur at forvitin er sjáldan fegin, men tað trúgva vit ikki uppá í hesum føri! Sum samskipari á Visit Sandoy er tað avgjørt ein fyrimunur at verða forvitin eftir hvat rørir seg í lokal samfelagnum.

Høvuðsuppgávurnar
Høvuðsuppgávan er at taka sær av avgreiðsluni hjá kunningarstovuni og bókasavninum á Sandi, og veita kundum eina góða tænastu. Bókasavni er sjálvlán, so tað umfatar ikki avgreiðslu av lán av børkum, men meira at samskipa okkurt tiltak, fyrilestur, bókaframløgur o.s.fr.

 

Viðkomandi skal vegleiða og kunna um ymsar møguleikar í sýsluni umvegis telefon, teldupost, sosialar miðlar, WhatsOn og sjálvandi til vitjandi sum støkka inn á gólvið á kunningarstovuni. Arbeiði umfatar eisini at samskipa tiltøk við leiðaranum, vera við at menna tilboð og at skriva tekstir til lýsingar og heimasíðu. Sum heild skal viðkomandi samskipa kunning, og arbeiðir tí í tøttum samstarvið við lokalar borgarar, veitarar, leiðaran og onnur sum koma til Sandoynna at skipa fyri ymiskum.

 

Aðrar ítøkiligar uppgávur hjá samskiparanum

·       Gera plakatir til ymisk tilboð og tiltøk

·       Samstarv við bókasavns netverkið

·       Senda tilboð til kundar

·       Taka ímóti bíleggingum

·       Samskipa túrar

·       Skriva og senda rokningar og kanna eftir um tær eru goldnar

·       Søla og uppgerðir

 

Førleikakrøv
Útyvir at vit ynskja at tú ert ágrýtin og jalig/ur av lyndi, so vænta vit av tær at tú hevur góð samstarvsevni og dugir væl at lurta. Vit leita eftir einum sum dugur væl at orða seg í skrift og talu, sum arbeiðir skipa og handlar skjótt og trívist við at arbeiða sjálvstøðugt.

Tað er ein fyrimunir um umsøkjarar:

·       Eru útbúnir bókavørðar

·       Eru stinnir í teldukunnleika og sosialum miðlum

·       Arbeiða við nærlagni

·       Hava ein kreativan sans, og gott hugflog

·       Megna at arbeiða sjálvstøðugt

 

Tað er ein fyrimunur um umsøkjarar hava royndir við heimasíðuskipanum og eru skjótir at seta seg inní nýggjar skipanir og umstøður, tó er hetta ikki eitt krav.

 

Arbeiðsumstøður og løn

Starvið er skipað við støði í samstarvssáttmála millum Sands-, Skálavíkar-, Húsavíkar- og Skúvoyar kommunur. Samskiparin arbeiðir undir leiðaranum á Visit Sandoy. Starvsstaðurin er á bókasavninum á Sandi.

 

Starvið er eitt hálvtíðarstarv á 20 tímar um vikuna, og verður sett 1. September - 1. Oktober 2024. Viðkomandi arbeiðir gerandisdagar og arbeiðistíðir verða gjørdar í samráð við leiðaran.

 

Lønin er eftir sáttmála millum Starvsfelagið og Kommunala arbeiðsgevarafelagið/ Fíggjarmálaráðið.

Umsókn og samband

Umsóknir til starvið við prógvum og lívsrensl skulu vera okkum í hendi í seinasta lagi fríggjadagin 2.06.2023 á middegi, kl. 12:00.

Umsóknir skulu sendast til: [email protected] Allar umsóknir verða viðgjørdar í trúnaði.

Umsøkjarar, ið ynskja fleiri upplýsingar um starvið, eru vælkomnir at seta seg í samband við nevndarforkvinnuna í Visit Sandoy Hannu á Reynatúgvu á tlf. 288393 ella teldupost [email protected].