![Fulltrúi til Fiskivinnu- og samferðslumálaráðið](https://vevlysingar.shouthorn.com/2023/2169_r_300_300.png)
Fulltrúi til Fiskivinnu- og samferðslumálaráðið
Hevur tú áhuga fyri at arbeiða við at menna og umsita regluverkið innan okkara fremstu vinnugrein og at luttaka í fleirtjóða samstarvi og fiskiveiðisamráðingum við onnur lond?
Fiskivinnu- og samferðslumálaráðið søkir eftir fulltrúa til spennandi og avbjóðandi starv at byrja skjótast gjørligt.
Sum fulltrúi kemur tú at arbeiða á fiskivinnuøkinum, har uppgávurnar m.a. eru:
- At luttaka í arbeiðinum at menna og dagføra lóggávu og regluverk, sum skipar fiskiskapin.
- At viðgera mál á fiskivinnuøkinum saman við øðrum í ráðnum og stovnum undir ráðnum.
- At luttaka í fiskiveiðisamráðingum við onnur lond og í virksemi í fleirtjóða fiskiveiðifelagsskapum.
Umsøkjarar skulu hava kandidatútbúgving frá hægri lærustovni innan samfelagsvísund ella aðra viðkomandi kandidatútbúgving.
Vit vænta, at tú
- dugir at arbeiða miðvíst og sjálvstøðugt, og at tú eisini dugir at samskifta og samstarva við onnur fyri at loysa mál í felag,
- hevur góð greiningarevni, innlit í samfelagsviðurskifti og politiskt tev,
- ert málsøkin og loysir uppgávur við góðum huga og nærlagni,
- hevur góðar sosialar førleikar, ert fleksibul og viðvirkar til eitt gott arbeiðsumhvørvi,
- dugir væl at samskifta á føroyskum, donskum og enskum, bæði í skrift og talu.
Vit bjóða
Eitt spennandi og avbjóðandi starv við fleksiblum kørmum og fjølbroyttum arbeiðsuppgávum, sum verða loystar í tøttum samstarvi við starvsfelagar í ráðnum.
Tú verður partur av dugnaligum starvsfólkahópi, har vit raðfesta trivnað og gott arbeiðsumhvørvi.
Vit leggja dent á samstarv, vitanarskifti og at menna okkum fakliga. Tí eru góðir møguleikar fyri førleikamenning og luttøku á viðkomandi skeiðum.
Løn og setanartreytir
Starvið er fulltíðarstarv og skal setast skjótast gjørligt ella eftir avtalu.
Starvið verður lønt eftir sáttmála millum Fíggjarmálaráðið og avvarðandi fakfelag. Setanarøkið fevnir um Fiskivinnu- og samferðslumálaráðið og stovnar undir tí, umframt Løgmansskrivstovuna og hini stjórnarráðini.
Tann, ið settur verður, eigur at tola broytingar í starvinum.
Umsóknarfreist
Um starvið hevur tín áhuga, send okkum umsókn við lívsrensli og avriti av prógvum til [email protected] í seinasta lagi 27. juni 2024.
Hevur tú spurningar, kanst tú seta teg í samband við Jens Helga Toftum, ráðgeva, tlf. 553240 ella t-post [email protected].
Vit gleða okkum at frætta frá tær.
Um Fiskivinnu- og samferðslumálaráðið
Fiskivinnu- og samferðslumálaráðið er eitt av níggju stjórnarráðum í landsfyrisitingini, ið veitir landsstýrinum ráð, tryggjar haldgott grundarlag og ger hugskot til veruleika. Her starvast 17 starvsfólk, sum umsita fiskivinnumál, fiskiveiðieftirlit, fiskirannsóknir og - gransking, inntøkutrygd fiskimanna, hvalamál, bjarging, trygd, veðurtænastu, busskoyring, farmakoyring, ferjulegur, ferjur, ferðslumál, landshavnir, landsvegir, tyrlupallar og ráðgeva viðvíkjandi flogvøllum.