Aksel V. Johannesen ger fyrstu royndina seinnapartin

- Vit fara at kanna møguleikarnir í dag. Um vit síggja, at tað ikki ber til, so gevi eg samráðingarrættin víðari í kvøld.

Hetta segði Aksel V. Johannesen við Árna Gregersen á FM1 fyri løtu síðani.

Hóast keðiliga valúrslitið, hevur formaðurin í Javnaðarflokkinum, sum sitandi løgmaður, framvegis fyrsta rætt at royna at skipa samgongu.

Javnaðarflokkurin hittist út á seinnapartin. Aðrir flokkar hava eisini fundir, og eftir øllum at døma er nakað av samskifti millum flokkarnar.

Annars staðfesti Aksel V. Johannsen í samrøðu við okkum í dag, at hann ikki roknar við, at Javnaðrflokkurin kann fara inn í eina samgongu, uttan at vera saman við tveimum øðrum stórum flokkum. Síðani 2015 hava samgongurnar verið við tveimum stórum flokkum og einum lítlum flokki.

Sí eisini: Beinir stendur sum vinnari - pápabeiggin sum ein av taparunum

Yvirlit: Toppskjúttar hjá flokkum sínum og topp-tíggju samanlagt