Avlýsingar á leið 60 og 61

Í morgun boðaði Strandferðslan frá, at Smyril vegna veður siglir seinasta túrin í dag klokkan 16 úr Havn.

Og nú verður eisini boðað frá avlýsingum á leið 60 og 61 – siglingina millum Skopun, Gomlurætt og Hest.

Strandferðslan skrivar soleiðis á heimasíðuna:

- Fyri veður verður seinasti túrur úr Skopun kl. 18.35 og seinasti túrur av Gomlurætt kl. 19.10. Siglt verður ikki út í Hest kl. 19.10.

Leið 701, sum koyrir millum Fámjin, Tvøroyri og Sandvík, koyrir heldur ikki til Fámjins fyribils, upplýsir Strandferðslan.